منتديات المرقاب الأدبية

منتديات المرقاب الأدبية (http://www.montada.mergaab.com/index.php)
-   ..: مرقاب الرّكن الهادئ :.. (http://www.montada.mergaab.com/forumdisplay.php?f=112)
-   -   ( مقتطفاتي ) (http://www.montada.mergaab.com/showthread.php?t=37872)

شاعرة نجد 24-02-2008 08:48 PM

( مقتطفاتي )
 
السلام عليكم ورحمة الله

أحبتي

أسعد الله أوقاتكم بكل خير

هنا ستكون بعضا من مقتطفاتي

أتمنى أن ترتقي لذائقتكم

غايتي إمتاعكم

فأهلا ومرحبا بكل من مرّ من هنا

ودي ووردي’,,

شاعرة نجد 24-02-2008 08:52 PM

الشعر مجموعة أحاسيـس وشْعـور=من فيضها جفـت محابيـر الاقـلام
سحر(ن) على الصفحات للناس منثور=يجذب بْقوه..كلـه احسـاس وانغـام
تجيه والخاطر مـن الهـم مكسـور=وإلى قريت مْن اعذبه راااحت احـلام
راحت همومك وانشرح صدرك سْرور=اعلاج نفسي من قديمـات الاعـوام

شاعرة نجد 24-02-2008 08:54 PM

ودّي أطقطق على الكيبورد واتْسلّى=عسانـي القـى معاكـم مايسلينـي
مره أجيكم سعيده وخاطـري فلّـى=ومره أجيكم ودمعي في طرف عيني
ياالله بشعر(ن) جزيلٍ يشفي العلّـى=عذبٍ يداوي خفوقـي والشرايينـي

شاعرة نجد 24-02-2008 08:58 PM

يحسب إنه لاهجرني ضاقـت الدنيـا علـي=مادرى كثر الجفا من حضرته يجبر عزاي
والله إني لو بغيـت أجرجـره مثـل الطلـي=بس أشوفه مايناسب لي ولا مـن مستـواي

شاعرة نجد 25-02-2008 01:27 PM

عيني على الجوال لا ضـاق صـدري=لعـل ياتـي مـن طرفكـم رسـالـه
حدي افكر ليـش؟ وشلـون ؟مـدري=والمنتظـر يانـاس ياشيـن حـالـه
مَـفْرق غروب الشمس من صبح فجري=ومـا يدْلَـه المشتـاق لوكثـر مالـه
يامـن يخبرنـي وهوياخـذ أجـري؟=عن غايب(ن)منيـة حياتـي وصالـه

شاعرة نجد 26-02-2008 01:00 PM

أناقصيدي هو ونيسـي والدفاتـر والقلـم=لاضاق صدري جيتها وسميت بالله وابتديت
وبعثرت همي بالقلم واوجاع قلبـي والألـم=وبديت ارتّبهاعلى هيئةقصيده بيـت بيـت

شاعرة نجد 27-02-2008 07:57 PM

نجووم...الليل ...ماينفع...انْبَـدّل؟=واجي..,مرّه...مكااانك... طاوعيني
عشان..اشووف..مَنْ..عيني..تودّه=لعلّ..النووم... يَنْجُوم......إيهَنِينِي
أحَسْبْ...اني...على الفرقى قويّـه=طَلَعْت أضْعَف من الطفل الحزينـي

شاعرة نجد 28-02-2008 09:54 PM

أرامكو... عيّـت علينـا ...الاجـازه=والشوق ماااله في رصيـده ولايـوم
عزي لمن لـهْ عنـد الَنْـذال عـازه=حتى لو..انّهْ شيخ!!عاجـز ومحكـوم
ورضيت غصب وْجاني العلـم طـازه=وماصار لي في شوف أهل نجد مقسوم

شاعرة نجد 01-03-2008 02:07 PM

ياصاحبي أغليك والناس يـدرون=على الشرف ماهوب خلف الستاره
دايم على كيفي وحاضر وممنـون=وأنا على كيفك ورهـن الاشـاره
كفي بكفـك بنتعاهـد ولانْخـون=ترى المواجه ياحبيبـي شطـاره
للود عند أهل الوفاء ذوق وفْنون=وانصار فيمن لا يَعَرْفـه خسـاره
وغلاي أنا وياك وافي ومضمـون=شامخ تربع فوق عرش الصـداره

شاعرة نجد 03-03-2008 03:44 PM

غصب(ن) عليه ياهَل الشرقيه=أعيش معكم رغم ماني هاوي
ربي كتبكم غصب مو بيديـه=والا خفوقي والهوى نجداوي

شاعرة نجد 05-03-2008 02:10 PM

ودي أطلع على سطح القمر مـرّه=يايبه شوف من يقـدر يودينـي؟
يمكن أعيش مبسوطـه ومستـرّه=ويمكن أندم..على نزوة شياطيني
بَاتَمنى علـى كيفـي وانا..حـرّه=ومن سراب الخيال أكتب عناويني
والله إني لبعض البوح مضطـرّه=وان نزف خافقي كثرت دواويني!!

شاعرة نجد 07-03-2008 01:35 PM

الصيف مقبل! وكلنا نعشق الصيـف=ويقول شوفي ويـن ودك تروحيـن
تخيّري ما بيـن باريـس وجْنيـف=واللي تبينه أبشـري وش تودّيـن
قلت:انكانها بامري على الود والكيف=ودي بنجد ومالـي بْغيرهـا عيـن

شاعرة نجد 09-03-2008 04:35 PM

في غاية الشوق والله يعلم..ابحالـي=والقلب لاعه سموم الوقت والفرقـا
اسبوع غايب وأنا ف/الغربه..إلحالي=والعين تشكي علي بدموعهـا غرقـا
سفرة عمل! بس أشوف انوقتها طالي=والإنتظار أحرق..افيوز الحشا حرقـا

شاعرة نجد 11-03-2008 10:48 PM

ياحمام(ن) تعلـى فـي سمانـا وحـام=وجاب لي الرسايل من سما المرسلـي
جاب لي القصايد فـي رمـوز الكـلام=ودي أفهم عليها وإن فهمـت أخجلـي
وإن بغيت أتسلـى قلـت هـذا حـرام=وإن بغيـت الحقيقـه قلـت مايُعْقَلـي
كان شعري عجبكـم غايتـي والمـرام=كل شاعـر يحـاول يكسـب الأولـي
ودي أهدي قصيدي وأرسلـه ياحمـام=وانثر العطر فوقـه والحلـى والحُلِـي
واحذري يالقوافي مـن كثيـر المـلام=واعلمي الحاجب أعلى والرموش أسفلي

شاعرة نجد 13-03-2008 10:26 PM

ياللي اتهمتوني تقولوا شاعـر=وشلون شاعر واللقب أنثااااوي
وشلون شاعر رغم هالمشاعر=أنثى عريقه والأصل نجداااوي

شاعرة نجد 20-03-2008 09:01 PM

البارحـه نومي(مُجمّع)كوابيـس==حسبي عليها ياكثر ما ازعجتنـي
أقوم واقعد واتعوّذ مـن ابليـس=لكن صراحه ياسعـود ارهقتنـي
ومن عقبها زادت علي الهواجيس=نوم الفلس نومي بَعَد ماغزتنـي

شاعرة نجد 23-03-2008 01:31 PM

إلى غاااب عني كنّها غاابت الشمـس=الليـل عنـدي والنهااار..امتسـاوي
الغالي اللي كل هرجـه معـي همـس=أشفق عليـه وُهـو عليّـه..شفـااوي
هذا وهُو ما غاااب عن عيني الا أمس=أنا أشهد إن ماااني على البعد قاااوي

شاعرة نجد 05-04-2008 03:08 PM

سلمولي علـى نجـد لا جيتـوه=وعلّموه إني استانس إلى جيتـه
وعلّموه إنـي أحبّـه وعلّمـوه=أعْشقه واعْشَْق ارضه وشاريته
ودي اقضي بـه العمـر كلبـوه=وماحصللي علـى مـا تمنيتـه
يفزّ له ضامـري كلمـا طـروه=واسبق ادموع عينـي بتنهيتـه
يا فهـد لعنبـو البعـد لعنبـوه=وش طراة العمر والموت تاليته
واتحلّى الصبر والصبر قد سمّوه=سرّ مفتاح الفرج لـو تقاسيتـه
في هوى نجد أنا ما علي مشروه=لو كتبت القصايد فيـه مَْوفيتـه

شاعرة نجد 18-04-2008 07:25 PM

أنا خفوقي لَعْذب الشعـر ضامـي=وُدي بشعر(ن) عذب يروي خفوقي
قضيت لي فترة مـرح وانسجامـي=واليـوم تـوّي للقصايـد بفوقـي
فترة مـرح ماجـت ولا فالمنامـي=أروت ظمى كبدي وبلّت..اعروقـي

شاعرة نجد 20-04-2008 02:15 PM

عُذراً عيوني لو تكسّـر هدبكـي=رقّ العواطف من مساوىء طباعي
وعُذراً خْدودي حرّ دمعي حرقكّـي=واحفاك بالمنديل لمسـة صْباعـي
يانفس باسـم الله طفـي لهبكـي=لاتْحمليني فوق قـدر استطاعـي
عواطفي صارت رهاين صدفكـي=مرّه فرح,مرّه حـزن والْتياعـي

شاعرة نجد 22-04-2008 03:04 PM

أقول أنارويان لوكنـت عطشـان=وأقول أناشبعـان لوكنـت جايـع
وأقول أنالابـس ولوكنـت عريـان=أودعت سدي من يحفـظ الودايـع
مانفسي الافـي سفينـه وقبطـان=يسوقها فـي جـو ممتـع ورايـع
وأشكي عليه أسرارقلبي علشـان=أرتاح من بعض الوجع والوجايـع
وانشدعلى موج البحربعض الالحان=أبيات شعري دون شاري وبايـع

شاعرة نجد 27-04-2008 04:46 PM

يالحمام الزاجل انقللي رسالـه=يااااافديتك يالحمام انقل خبرها
خذ قصيدي لا وصلته عند بيته=ذكره ببيات شعري وانذكرهـا
وإنشد أبياتي على صوتك بلحنٍ=مثل نغمات الوتر يطرب سمرها


جميع الأوقات بتوقيت GMT +3. الساعة الآن 04:26 AM.

Powered by vBulletin® Version 3.8.6
Copyright ©2000 - 2018, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية