منتديات المرقاب الأدبية

منتديات المرقاب الأدبية (http://www.montada.mergaab.com/index.php)
-   ..: مرقاب الرّكن الهادئ :.. (http://www.montada.mergaab.com/forumdisplay.php?f=112)
-   -   ( مقتطفاتي ) (http://www.montada.mergaab.com/showthread.php?t=37872)

شاعرة نجد 22-06-2018 02:43 PM

السلام عليكم ورحمة الله

تقبل الله طاعتكم
واعاده علينا وعليكم بـ الصحه فـ الابدان والأمن فـ الاوطان
وكل عام وانتم بخير,’’

شاعرة نجد 22-06-2018 02:44 PM

في خاطري من كايف الشعر كم بيت
عقب الصيام اظمَى مطر غيم الابيات

سماي تو أنشاا سحابه وانا جيت
فيني شعر واهوَى الشعر كل الاوقات

عبّرت من وهج المشاعر وغنيت
من سطح بحري والدرر فيه ماجات

صبيت من عذب الحروف وتقهويت
من سلسبيل الشعر دلّه مْسوات

وقهويت عشاق القصيد وتمنيت
تبقىَ المعاني فـ المحاني مخبات

شاعرة نجد 24-08-2018 10:01 PM

السلام عليكم ورحمة الله

وكل عام وانتم بخير,من عواده ان شاء الله

وحج مبرور وسعيٍ مشكور ان شاء الله لـ حجاج بيته
تقبل الله من الجميع,’’:wardah:


محمد مشوط 26-08-2018 12:57 AM

مرحبا مرحبا
وكل عام وانتِ بخير

شاعرة نجد 26-08-2018 01:01 AM

^
^
تبقى طال عمرك
وأنت بخير وصحه وسلام هـ العام وكل عام

لاهنت,’’

شاعرة نجد 26-08-2018 01:03 AM

من مواطن غزير الشوق لـ امطر سحابه
لَـ مواطن مُنى روحي وذروة غلاي

أرسل اسماا تهاني العيد لـ حد بابه
فوق باقة ورود ومع نسايم هواي

شاعرة نجد 26-08-2018 01:06 AM

ترف عيني لي شهر بس هـ اليوم
طول النهار وجفنها له رفيفي

يمكن يجيني من هوى بالي علوم
لاقوّمه من لذة النوم طيفي

والحدس يجمعنا لو ابعد من نجوم
الليل,ياساعة لقانا العفيفي

ياطير ياللي فـ السماا تكسر الحوم
خذني على ذاك الجناح الخفيفي

ودي بجوله والسماا كله غيوم
ماجتني الدنيا على كيف كيفي

شاعرة نجد 12-10-2018 11:54 PM

ولي حمامه(يَم)تنوحين وشفيك
قبل صلاة الفجر والناس نايمه

بالله ذالحزه وش اللي مْصحيك
جوع وَعطش يحّول والا مْهايمه

صحيتي عْيوني عسى الله يجازيك
وهيضتي الخاطر وجبتي عزايمه

قسم لو انك ماتطيرين,لـ اجيك
وافتح لك الشباك رفقه ودايمه

واجر موالي واغني والاحيك
ومن لام,قلت القلب ينلام لايمه

شاعرة نجد 19-12-2018 11:46 PM

عودا حميدا منتدانا


غن ياليل القصيد وهات من نبض الوريد
وسع الخاطر ولو ماتقدر تْعبّر مـ اريده

دندن وغن وتسل وسل من عذب الجديد
عل يسلا خاطري لامن تهيض,من جديده

من غرام ومن هيام ومن جزيل ومن مفيد
واختصر رمز الغلا والود في جمله مفيده

حطها في شطر فاخر,شطر واحد عن قصيد
واعتبرها يامناي وغايتي بيت القصيده

شاعرة نجد 30-12-2018 11:48 PM

أنا والله اني كل ما جاا بقلبي شي
وحاف الخفوق المُبتلَى يالغلا حايف

نخيت القريحه وفْزعَت كل مابيدَي
هي اللي بوسعي لاكذب حلمي الزايف

تصورت ماصورت ياحيرتي وش في
سراب وضباب وتوّنا جونا كايف !

حمامه تعالي ودي العب معاك شوي
على النافذه بـ اسمع صدى سجعك النايف

تغنين طربانه على كوم حب ومي
وانا خاطري مكسور والشوق متضايف

شاعرة نجد 07-01-2019 10:07 PM

تلتقي فينا مشاعرنا وحنا مـ التقينا
ياردي قوة عزايمنا وياطيب الخيال

كل مافاحت دلال الشوق واشتدت علينا
وضاقت فجوج الوسيعه وانقطع حبل الوصال

اعتزا نسج الخيال وجاا على الحس وسرينا
والتقينا لو لقانا من جفَى الدنيا محال

واشتكينا وابتدينا قصة الود وحكينا
فـ الظروف اللي عليها الصبر للمشتاق طال

واسفر الصبح وعلى طلعة خيوط الشمس جينا
ردنا ذاك الخيال وماحصل صعب المنال

كل واحد في مكانه وانتهت وش في يدينا
نعتبر ماصار لو ماصار مع ذالصبح فال!

شاعرة نجد 17-03-2019 11:16 PM

عودا حميدا منتدانا
أبحث عنك في كل حين رغم انقطاعك:icon32:


يا منتدى المرقاب طولت الغياب
موقع أدب حراام,شمسك لاتغيب

طرقت لـ ابحث عن سموّك كل باب
وياللاسف مرقابنا مامن مجيب

والحين صدفه ماحسبت لْها حساب
فتحت قوقل والامل بك مايخيب

يامرحباً عْداد همال السحاب
بالعوده اللي وقتنا معها يطيب

سيف صالح الدلبحي 21-03-2019 01:08 PM

وقهويت عشاق القصيد وتمنيت
- قهوه دائمه -
سلمتي

شاعرة نجد 23-03-2019 10:44 PM

اقتباس:

المشاركة الأصلية كتبت بواسطة سيف صالح الدلبحي (المشاركة 1506145)
وقهويت عشاق القصيد وتمنيت
- قهوه دائمه -
سلمتي

تسلم وتدووم شاعرنا
مرور المبدعين تشريف,لاهنت

تقديري,’’

شاعرة نجد 23-03-2019 10:47 PM


برّدي فووح صدري ياهبوب الجنوب
وأسعفيني وهبي وهج صـدري يفـوح

اجبري الخاطر المكسور وقت الغروب
يوم غنى الحمام وزاد نزف الجروح

ياكبر دور سجعه في حنين القلوب
كان طربان والا فوق غصنه ينوح

لاسمعته قسم بالله روحي تذوب
فوق جمر الغلا من سمر نار الطموح

نوب عيني على القمه واكابر ونوب
أعترف يـ الغلا وُمابَعْدها الروح روح


جميع الأوقات بتوقيت GMT +3. الساعة الآن 11:32 PM.

Powered by vBulletin® Version 3.8.6
Copyright ©2000 - 2019, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية