منتديات المرقاب الأدبية

منتديات المرقاب الأدبية (http://www.montada.mergaab.com/index.php)
-   ..: مرقاب الرّكن الهادئ :.. (http://www.montada.mergaab.com/forumdisplay.php?f=112)
-   -   ( مقتطفاتي ) (http://www.montada.mergaab.com/showthread.php?t=37872)

شاعرة نجد 09-06-2009 03:12 PM

هيضتني ياعناي أمس العصر قمريه=حركت كل المشاعر واوقدت نيرانـي
ليتها تسمع صداي وتحْفـظ القافيّـه=وتنقل لمحبوب قلبي لهفة الوجدانـي
توصل النيل وُتَغَنّا من صداي اشويّه=ياعسى بالماريوت يسمع جديد ألحاني

شاعرة نجد 10-06-2009 03:10 PM

لو كان تدري ياعزيزي..عن الحـال=يومي..علـى ردّ اتصالـك تأخـرت؟
ماكان شلت مْن الزعل..ربـع مثقـال=والحلم يازينه ! والاحلى لو اصبـرت
داايم على الخاطر..ودايم على البـال=وتَعبْتْ من كثر الهواجيس..واحْتـرت
تدري متـاه يْـروح همي..وينـزال؟=لا اسهبت في ذكراك..ياشوق وابْحَرْت

شاعرة نجد 13-06-2009 12:40 AM

ياليت كلمة ليت تنفع وياليـت=ياليت كلمة ليت سوّت معي شي
ياما وياما في حيااتـي تمنيـت=مافادني ياليت والعمر يمشـي

شاعرة نجد 15-06-2009 11:55 PM

نفسي على الجزله..هنوف ومطيعه=وان أسْهَبَتْ بالقاق..هيهات هيهات
ياطيور همي هاجري ف/الوسيعـه=قولي فمان الله..هالحيـن بالـذات
أيّا..قفص صدري!!وجو الطبيعه؟=تكفين فكّيني..وذي فرصتك جـات

شاعرة نجد 17-06-2009 01:09 PM

:)

لا تسألوني..كيف وشلـون أغنـي؟=كلٍ يغنـي لاطرالـه علـى الـذوق
وأنـا عسـى الله بـس مايمتحنـي=أقسم قسم تسوقنـي القافيَـهْ سـوق
مـراات فـي لـذّة منامـي يجنّـي=حْرووف شعري وابدع البيت وافووق

شاعرة نجد 18-06-2009 11:56 AM

ياغايبي عوّد علي ردّلـي الصـوت=ترى ماانام الليل من عقب فرقـاك
وصلك غذاء روحي وفقدانك الموت=إرجع ترى نفسي على وشْكْ الادراك

شاعرة نجد 18-06-2009 11:57 AM

:)


عزيزي المصطاف لاتشطح ابعيد=حذرااك من حمّى الخنازير حذرااك
بين الهدا وأبها سياحـه وتجديـد=وأبعد عن المحذور واشْكر لْمولاك

شاعرة نجد 19-06-2009 02:04 PM

منصور عيني البارحه نومهـا غيـر=قدلي سنـه مانمـت نومـة البـارح
لبعض الرسايل في صدى النفس تأثير=تبرد لواهيـب الحشـى والجـوارح

شاعرة نجد 19-06-2009 02:08 PM

يحْـسب انّه لاهجرني ضاقت الدنيا علي=مادرى ان كثر الهجر من حضرته يجبر عزااي
والله اني لو بغيت أجرجره مثل الطلي=بس أشوفه مايناسب لي ولا من مستوااي

شاعرة نجد 21-06-2009 01:36 AM

لا مادريت أن البشر كنّها وُحوش=تااكل بَعَضها ماتهاب المقابيل
لاصار رحّاله مع الوقت وطْروش=ياليتها تسلم من القال والقيل

شاعرة نجد 22-06-2009 07:25 PM

مر(ن)تطارد خْيول الكون في صدري=ومر(ن)مثل ثقب الابره يالله الخيره
ياليت بعْض العرب عن حالتي يدري=ماكان يَقْصر بْذاته حد تفكيره
وياليت بعض العرب ماينوي الغدري=وياليت بعض العرب يَقْصر مشاويره
أحرق شْموع الغلا لاوصْلت لْقدري=ويموت حبه ولو كثرة معاذيره

شاعرة نجد 23-06-2009 11:42 PM

مقدر على الفرقى ولاربع ساعه=عزي لْحالي كيف بقدر ربع عام
مدري عسى الفرقى تقوّي المناعه=وترضى بْها نفسي على طول الايام
محلى الصبر,محلى الرضى والقناعه=وياسعْد من يرضى بالاقدار ويْنام

شاعرة نجد 26-06-2009 02:35 AM

ليت المصير اللي على الكف مكتووب=أقراه وافهم في طلاسم حْرووفه
يمكن يريّح خاطرٍ عاش مغصووب=محتاار مابين ارتياحه وخووفه
مدري هي الاقداار؟مدري هي ذْنووب!!=مدري حياةٍ ماعليها حسووفه

شاعرة نجد 26-06-2009 11:16 PM


سلامٍ مثل نور الضحى لاظهر وانْباج=عليه الشذى من فوح ورد البساتيني
على حْروف شعرٍ جات صوبي على ديباج=لها كل حرفٍ من حْروفي يناديني
قريت ونحتّ اللي فهمته بْعود العاج=لعلّه إلى منّي نسيته يصحيني
تعلّمت درسٍ صار لي عبره ومنهاج=من أهل الحكم وأهل التجارب يكفّيني
شموخ النفوس اللي تحاشا من الهرّاج=عليها علامات الشرف والسلاطيني
عزيزه لها شان ولها غايه وُمخراج=وأنا ساقني ربي لها وش امْودّيني
ولكن أظن القصد واضح ولايحتاج=أسجل على المكتوب خافي عناويني

شاعرة نجد 27-06-2009 04:41 PM

يابحر موجك ثارني..(يُم)جيت شاطيك الجميل=غصبٍ علي أبوح واكشف عن خفي أسـراري
ترويح عن نفسي على شاطيك والجو العليـل=يروي ظمأ كبدي وأنا جيتـه بكيفـي سـاري
يمكن تواسيني ولو بالصوت فالليـل الطويـل=ويمكن هديرك يابحر يصغي لسمـع أخبـاري
مااقْدَرْ أعووم ءبغبّتك..أبد ما اقـدر مستحيـل=لاشـك ليتـك يابحـر عمـا بنفـسـي داري
فيني حزن..فيني فرح..وازريت لا اشيل الثقيل=وأكتم أنفاسي ماسمع شكـواي حتـى جـاري
وهذا الزمن طبعه كذا..كريم مع ناس وبخيـل=عيّا يطاوعني وأنـا أسخيـت لـه باشعـاري
أكتب على كفّ القدر..حتى ولو كفـي هزيـل=واسجل حْرووفي وأنا كلـي رضـى باقـداري
وبكره خيوط الشمس لامن أسفر الصبح الجميل=تشرق علي نور الأمل في سكتـي واسفـاري

شاعرة نجد 29-06-2009 12:38 AM

تذوب نفسي على ذاك السراب البعيد=ولاجيت صوبه لقيتـه زاد مافينـي
حرام بس أتحَسّر!والنظر وش يفيـد=كثر العطش مع سراب القيظ يشهيني
ودي أغمّض عْيوني واذكر الله واهيد=واردّ نفسي ولو بالصـدر تكوينـي

شاعرة نجد 29-06-2009 01:22 AM

نفرح امنوّل بالمطر نرجي السيل=لاهل ودانه ولاحت بْروقه
واليوم من صوت الرعد خايفه حيل=لا اطلع وتغرقني مناشي حْقوقه

شاعرة نجد 29-06-2009 03:30 PM

لـي حبيـبٍ كلمـا حنـا اجتمعنـا=ساقني له صادق الشوق..ءوسرابي
ليت محبوبي ونـور العيـن معنـا=ياعذابـي مـن فرااقه..ياعـذابـي
كـم طمعنـا ياحبيبـي كـم طمعنـا=وارتفعنـا ليـن ساوينـا السحابـي
وخير..وش تالي طموحك وش نفعنا؟=تشكي الفرقى وانا قلبي مصابـي
من عنـا الأيـام ياروحي..شبعنـا=وتاليتهـا كلنـا تـحـت التـرابـي

شاعرة نجد 29-06-2009 03:34 PM

الووم الجفن لامن قلّ نوومـه=وأعاتب خاااطري لامن تهيّض
لو أن الليل يعطيني عْلوومـه=عطيته من علوومي لين أفيّض
لاشك الليل مايشكي هْموومـه=وأنا طبعي عجل والليل ريّض


.

شاعرة نجد 06-07-2009 12:26 AM

أنا اللي من خياالي أكتب حْرووف وقصص وآهاات=يمتّعنـي هجـوس الفكـر..لله درهـا افـكـااري
وأنا اللي أعشق طْيوور الفضا واكتب لها رمعـات=وامتّع مسمعي باصواتهـا لـو كنـت فـي دااري

شاعرة نجد 06-07-2009 12:37 AM

لا الكوت ولاشرق ولا الافينيـوز=لاتحسب إنْـها ياعزيـزي تْسلّـي
مادام قلبي من عنا الشوق مهزوز=وأحباب عيني شوفهم ماحصللّـي
أروح لاجلك..أي نعم لاجلك ايْجوز=والا الحقيقه خاطري ما اسفهلّـي

شاعرة نجد 07-07-2009 01:08 AM

تزيّنت لي حْروفه وارتـدت كـل لـون=وهاض الضمير وتعدّى صبري حْـدوده
ياطير ياللي تغنّي فوق خضر الغصـون=تغريدك العذب يكـوي القلـب ويـزوده
وياهيه يا اهل اللقافه مادري وش تبون؟=حتى المجنّـب بحثتـوا خافـي سْـدوده


جميع الأوقات بتوقيت GMT +3. الساعة الآن 12:04 AM.

Powered by vBulletin® Version 3.8.6
Copyright ©2000 - 2019, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية