منتديات المرقاب الأدبية

منتديات المرقاب الأدبية (http://www.montada.mergaab.com/index.php)
-   ..: مرقاب الرّكن الهادئ :.. (http://www.montada.mergaab.com/forumdisplay.php?f=112)
-   -   ( مقتطفاتي ) (http://www.montada.mergaab.com/showthread.php?t=37872)

شاعرة نجد 26-03-2010 10:22 PM

أتجاهل وأخبّي ما استبـاح الشعـور=وادفنه في صبي العين ما أحد(ن) قراه
وأتحدّى حروفـي لاطراهـا الظهـور=تكشف استار صدري للملأ وش وراه

شاعرة نجد 28-03-2010 09:36 PM

يطربني الليل الطويل,وان جاء معه لفح النسيـم=يسـر نفسـي لوعناهـا مستبيـح فْـوادهـا..
أنسى متاعب دنيتي لو كان جـوي فيـه غيـم=واسهر معه حتى ولو غايـر جْرووحـي زادهـا
دنيا غريبه مـا أعتقـد فيهـا ولاواحـد سليـم=لابــد ماذوّقـتـه الدنـيـا وذاق أنكـادهـا
لوهو على كيف البشر كـلٍ يبي فيهـا زعيـم=ينسى هموم الماضيه ويعيـش حلـو إجدادهـا
مَـنْ قبلنـا دامـت لهـم؟بالله يالليـل العتيـم=جاوب ترى عين العنـا كثـر السهـر مافادهـا
يضيق صدري,أي نعم!وأرجع على الشعر الحشيم=يمطـر هماليلـه علي,واجيـب سيـد اسيادهـا

شاعرة نجد 29-03-2010 12:22 AM

ياللي طلعتوا على سطح القمر بالله=هو مايجي لي على أعلى قمّته واحه؟
مابي عماره على سطحه ولافلّـه=بــ..أزرع على واحتي وأعيش مرتاحه
وأبعد عن الأرض واللي فوقها كله=وكلٍ على رغبته يلعب بمسباحه

صالح سبهان 29-03-2010 12:47 AM

اختي ... شاعرة نجد

أعذريني اقتحمت ركنك ومقتطفاتك النادره

العذبه التي يعجز التعبير عنها

ركن يروقلي... ومتابع مستمر

تقلبي تحياتي

شاعرة نجد 30-03-2010 10:13 PM

اقتباس:

المشاركة الأصلية كتبت بواسطة صالح سبهان (المشاركة 1216778)
اختي ... شاعرة نجد

أعذريني اقتحمت ركنك ومقتطفاتك النادره

العذبه التي يعجز التعبير عنها

ركن يروقلي... ومتابع مستمر

تقلبي تحياتي

مرحبا بك يـ الشاعر

تشرف الركن بـ حضورك طال عمرك

ولاهنت عـ المتابعه

والتحيه والتقدير لك’,,

شاعرة نجد 30-03-2010 10:17 PM

http://blogs-static.maktoob.com/user...s/dsc01514.jpg

يابحر لاتغري عْيونـي بالامـواج=وأغرق وأنا ما اجيد فن السباحـه
أحتاج لك من ماضي الوقت واحتاج=ل.هدير موجك في خفوقي مساحه
مالي عن الضيقه ولا الهم مخـراج=وألقى عليك العصر لاجيت راحـه
معظم قصيدي يابحر طـي الادراج=الا على جالـك حْرووفـي مباحـه
أفرح إلى ماشفت حولك حد(ن) داج=ماحولي الا الطير يكفـخ جناحـه
عشان أغني دون منقود واحـراج=واجر مبدأ القاف واطلق سراحـه

شاعرة نجد 01-04-2010 02:19 PM

ياليل سولف لي بعيد(ن) عن الناس=وأنا بسولف لك خفايا سْدودي
باشكي لك هْمومي من الرأس للرأس=أما يزوول الهم والا يزودي

شاعرة نجد 01-04-2010 03:05 PM

خذيت لي مع هاجس الفكر جووله=مره يوديني ومرااات أوديه

شاعرة نجد 02-04-2010 02:22 AM

حرووف مْبعثره وألوان تزهى لوحة الرسام=يبعثرها عشان الناس تجهل قصد معناها
يصنفها على كيفه رموز وفكر واستفهام=تبدد ريشته نزف المشاعر دون يقراها
يشكلها بلون الطيف والمعنى رؤوس أقلام=تعيه الواعيه والنايمه تبقى بعمياها

شاعرة نجد 02-04-2010 02:27 AM

يأخذني الوقت مدري كيف يأخذنـي=وأسهر وأنا مال عيني فالسهر حاجه

شاعرة نجد 03-04-2010 12:11 AM

أتسلّـى يـووم ودّي أتسلّـى=والله أعلم بالخفايـا والسـدود
والله أن حتى المجنّب مايْخلّـى=لوتمسّك بالقواعـد والحـدود
أحسب أن الهم والهاجوس ولّى=مادريت أنه على قربـي ودود

شاعرة نجد 03-04-2010 12:15 AM

يامـا طلبـت الله ويامـا عطانـي=وياما تحقق لي من آمـال وآمـال
وياماضحك لـي بالنواجـد زمانـي=وياما لعبت مْن الطرب بأبيض الشال
وياما بكيت ودمع عينـي غشانـي=وياما مـن الاقـدار ماكـدّر البـال
عساني أرضـى بالقـدر ياعسانـي=والعمر زايـل يـا مقاديـر لوطـال

شاعرة نجد 03-04-2010 12:24 AM

أنا الغامضه مهما نزف حرفي القلـم=صناديق قلبي قفلها ضاع مفتااحـه
أجاهد غموض النفس لو يوصل الألم=واجامل واقول أني سعيده ومرتااحه

شاعرة نجد 05-04-2010 12:13 AM

في صدري أحسن ! فايض الشوق مكتوم=حتـى ولـو فجّـر محانـي ضْلوعـي
لابـأس ياقـلـبٍ معـقّـد ومـحـروم=كثر الحذر لاعـه مـن الوجـد لوعـي
غموض حسه لا اشتكى غيـر مفهـوم=يشكـي لْحالـه مـادرى عنـه دوعـي
يستغبـي المعنـى ولـو كـان معلـوم=يسقـي بساتيـن الغـلا بالدمـوعـي

شاعرة نجد 05-04-2010 01:28 AM

ياترى لو فيّض الصدر غيضه ياترى=تسلم جْرووحه وينزاح همّن مبتليه؟
وياترى لاجاء على البال,هوعنّي درى=وياترى لاقمت أغنـّيه,هوصوتي يجيه؟
وياترى لو باشتكي كل ماصار وجرى=يفهم المقصود من غير مايسأل عليه؟
ضاع بي فكري وأنا جرح كبدي مابرى=واحترق قلبي وكابر وأنا مااحتلت فيه
كل مانامت عيون البشر,ليلي سـرى=راح بي هاجوس قلبي على مايشتهيه

شاعرة نجد 05-04-2010 07:20 PM

ياليت الأرسال ماوصّلني الصوره=وأنا مْنول خفوقي دالهن سالي
يُم شفتهم شنـّت أشواقي علي ثوره=وهلّت دْموعي على الخدين همالي
لاصار من شاشة اللاب توب معذوره=لو كل ساعه أحاكيهم بْجوالي

شاعرة نجد 06-04-2010 01:39 AM

أحد(ن)يشرفني حضوره إلى زار=وأحد(ن)حضوره مايشرف مقامي
مشاعر الأنثى,لها ألف مقدار=وحرفي عليه الوسم(بصمة أبهامي)
هذي إشاره,والله أعلم بالاسرار= والصدق بيّن,والحرامي حرامي!!

شاعرة نجد 06-04-2010 11:58 PM

آآه/ياللخديعـه كيـف ذاك السـراب=شاقني يوم شفتـه وأحسبنّـه غديـر
يبست عْرووق كبدي واشتهيت الشراب=أطوي الأرض واسعى وأستخف المسير
يوم جيتـه لقيتـه يامحمـد ضبـاب=ضاع جهدي خساره وين عاد المطيـر

شاعرة نجد 07-04-2010 07:26 PM

في الحب لا تظهرغلا من تـوده=ترخص بعينه وانت من كان غالي
وان ابتعد فابعـد بعـادك يـرده=وان اقترب فاثبت سواة الجبالـي
وان شد حبل الود فاحـذر تشـده=يقطع طريق الود شـد الحبالـي
ولاتقابل المقبل بوجـه المصـده=ولاتطرد المقفي لو الهجر طالي

شاعرة نجد 09-04-2010 09:39 PM

نسيم الهوى برّد على قلبـي المجـروح=عسى ياعسى مع نسمتك تسلم جْروحـه
لاصارت تزيد وُ تلتهب والخطر مطـروح=والاحي حمام الورق لانـاح فـي نوحـه
نسيم الهوى ما أخفيك لاصرت مثل الروح=رجيتك تضمدهـا والاحـوال مشروحـه

شاعرة نجد 11-04-2010 12:13 AM

هجسي تمكّن بْرووحي ماخذا شـوري=ياحيف ياهاجسٍ خذني وأنا مع هَلـي
لا والله الا أستباح الحـس وشْعـوري=سيطر على العقل يامشكاي غصبٍ علي
يرووح بي واتبعه والقلـب مذعـوري=وشلون يسرقني التفكيـر مايخجلـي
ماكنّـه الا ملكنـي وانتـهـى دوري=صار الولي ع/المشاعر والله اللي ولي

شاعرة نجد 11-04-2010 12:27 AM

آآه/ياللخديعـه كيـف ذاك السـراب=شاقني يوم شفتـه وأحسبنّـه غديـر
يبست عْرووق كبدي واشتهيت الشراب=أطوي الأرض واسعى وأستخف المسير
يوم جيتـه لقيتـه يامحمـد ضبـاب=ضاع جهدي خساره وين عاد المطيـر


تشرفت بهذه المجاراة من الشاعر القدير,,ناصر الشريف


لن خدعك السراب ارجي صدوق السحاب=من كريمٍ علـى كـل الخلايـق بصيـر
حاسب لكل نفس اليـا تمنـت حسـاب=والبنادم مسّيـر لـه طريـق ومصيـر
ابذل الجهد ون طـال المـدى لا تهـاب=ون خدعك السحاب الله يعوضـك خيـر

صح لسان الشاعر’,,


جميع الأوقات بتوقيت GMT +3. الساعة الآن 05:09 PM.

Powered by vBulletin® Version 3.8.6
Copyright ©2000 - 2018, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية