منتديات المرقاب الأدبية

منتديات المرقاب الأدبية (http://www.montada.mergaab.com/index.php)
-   ..: مرقاب الرّكن الهادئ :.. (http://www.montada.mergaab.com/forumdisplay.php?f=112)
-   -   ( مقتطفاتي ) (http://www.montada.mergaab.com/showthread.php?t=37872)

شاعرة نجد 05-05-2008 11:24 PM

(طلاسم)


أنا واثقه لاشك بزعل علـى الكيبـورد=لأنـه إلـى منّـي بغيتـه يطاوعنـي
ولأنه هو اللي يَعْرفْ القصد والمقصود=أبيه ايتمهّـل قبـل مالنـاس توجعنـي
وْعندي ثقه بالنفس واكتب بدون..اقيود=لاشك العجاج الشين شكلـه يرَوّعْنـي
وعندي حساسيه وصدري عليه حْـدود=ومْنْ الأتربه دكتوري الخاص يمنعنـي
يقول احذري التيار واغباره المقـرود=وبَطيعه..لعل..اظروف وقتي تسانعنـي
أحب الحذر والغيب في حكمة المعبـود=واخاف أتحدى الوقت والوقت يصرعني
نسيم الهوى لاهب والروض فيه ورود=شذاها مع النسناس يشفـي ويُمْتِعنـي

شاعرة نجد 09-05-2008 11:02 PM

رااعي الربابـه لاجـزاك الله..ابخيـر=في (المختلف)..جريت عذب... اللحوني
وش جابني لك!!غير صدفـة مقاديـر=جنيت ....منها حر... دمـع العيونـي
والقلب الَقْشَر يخفق الشوق..من غيـر=والْحقْـت عالباقـي وزادت..احزونـي

شاعرة نجد 09-05-2008 11:04 PM

يالله صباااح الخير..ولا صباحـك=مع الفجر..يا ذالحمامه.. تنوحين!!
وأنا على الريحه وقلبي..انياحـك=أثّر عليه وتلّ..بعـض الشراييـن
روحي عسى ماعاااد يرجع مراحك=حزّت منامي..لاعها نوحك الشين

شاعرة نجد 15-05-2008 09:56 PM

دموعي هِي سِلاحي ماسْتطعْتُ=وهذا كلما هُوَ ف/اسْتطاعـي
فَوَ اللهِ لقـد سالَـتْ بِحُرقَـه=ومزّقَ جائِرَ الظلـم شِراعـي

شاعرة نجد 24-05-2008 05:21 PM

كل(ن) له.. اظْروفه وانا لي.. اظْروفي=والناس ماتدري عن النـاس ياسعـود
أمَسّح..ادموعـي براحـة ..اكفوفـي=واصبر ولا..كنّي على الأرض..موجود
والمشكله!! شعري كسر جسر خوفـي=يطلع ولو حطوا..له.. اشْروط ..وحْدُود

شاعرة نجد 26-05-2008 10:19 PM

لاتقول إنّك على الفرقـى سعيد=ءولاتقول إنْكْ.. اْمتَهَنِي بالغيـاب
اشتريتك مثلمـا تشـرى العبيـد=وامْتَلَكْتك مثـل مملـوك الرقـاب
أسحرك ببيات شعـري بالوريـد=وادبل الجرعـه إذا زاد العتـاب
لين تستسلم وانا أفعل مـا أُريـد=والخطأ يصبح بعينـك كالصـواب
وإن غرقت ابّحر شعري كن شهيد=يرحمك ربي ولا يْجِيـك العـذاب
لاتـحـاول لاتـعـذر مايفـيـد=ماتنازل لو توصلني .... السحاب
والكلام اللي مضى واللـي جديـد=ادفنه ياصاحبي تحت ...التـراب

شاعرة نجد 03-06-2008 03:08 PM

ألا..ياقصيدي خلّني وانت دوووم..أصحاب=وتصبّر علي وانكـان يالشعـر جافيتـك
تفتّح عليّ..أبواب وافتح عليـك أبـواب=وعطيتك مفاتيـح الضمايـر... أوّلّيتـك
وترى العين ماتحلى..بلى صفّة الاهـداب=وترى الوقـت مايحلـى... إذا ماتغنّيتـك
هجوسي وقلبي والمشاعر..معك تنسـاب=وتذوب الحروف إلى اشتهى القلب قافيتك
رجيتك توسّع خاطري..دون شرح أسباب=وكلٍ يفسّر...وانـت يالشعـر.. ناهيتـك

شاعرة نجد 09-06-2008 02:35 PM

ياليـل سامرنـي علـى هجعـة النـاس=قالوا..عليك..تْثيـر بـعـض المـواجـع
وأنا أعْشقكْ ياليـل... والقلـب حسـاس=أعْشَقْ سكـون الليـل... وألكـل هاجـع
وعلى النجوم أشكي.. وافضفض بالارماس=لاشك ماجاني صـدى الصـوت.. راجـع

شاعرة نجد 11-06-2008 02:41 PM

ماجت على الرغبه ولاجت على الكيف=من وين أجيهـا عـوج ماطاوعتنـي
وان جا الشتا..قال الفرج موسم الصيف=ولاجا الوعد قـال الظروف..امنعتنـي
عاجز عن الحيلـه ولالـه تصاريـف=وأنـا تدابـيـر اللـيـال أقنعتـنـي
ياشينهـا لاصـار جيّـت تخاطـيـف=لاصــار بالتقسـيـط مامتعـتـنـي
ياحيـف يابعـض المقاديـر ياحيـف=أصبر وهـي فـي خاطري موجعتنـي

شاعرة نجد 18-06-2008 02:11 PM

الا يالنجووم الساهره..ليـش ماتمسيـن=عليك الله أمسي..علّهـا تغفي..اعيونـي
عطيتك..اعلومي وش بعد عقبها تبغيـن=وشكيت..وبكيت...آهاات قلبي ومكنونـي
أسولف معك وانتي..على الصمت ماتحكين=هدوءك..ولمعك ف/السما هيّض..اشجوني

شاعرة نجد 21-06-2008 05:13 PM

غنّي علي ياحمامه وارفعي صوتك=ترى هديلك يثير القلب ويـزوده
أنتي عليك الغنا..وأنا علي قوتك=وشعرٍ جديدٍ عليه الختم والجـوده

شاعرة نجد 08-07-2008 01:08 AM

لـي حبيـبٍ كلمـا حنـا اجتمعنـا=ساقني له صادق الشوق..ءوسرابي
ليت محبوبي ونـور العيـن معنـا=ياعذابـي مـن فرااقه..ياعـذابـي
كم طمعنـا ياحبيبـي كـم طمعنـا=وارتفعنـا ليـن ساوينـا السحابـي
وخير..وش تالي طموحك وش نفعنا؟=تشكي الفرقى وانا مثلـك مصابـي
من عنـا الأيـام ياروحي..شبعنـا=وتاليتهـا كلنـا تـحـت التـرابـي

شاعرة نجد 16-07-2008 11:16 AM

أمانه..يالنجوم اللي معايه تسهرين الليـل=أبي سهره لذيذه..تبعد الهوجاس والضيقـه
أبي سهرة شعر..كفو السهر والليل والتعليل=على نور القمر..والا ظلام الليـل ماطيقـه
أمانه..خاطري يشهد علي ربي مكدّر حيـل=تعالي سامريني..ودّي ابسهـره وترويقـه
أمانه..سامريني والله ان العب وازيد الكيل=واخلّي من حكى يحكي..يعلّه مابلع ريقـه
وُبَعَدْها..باتسنن واذكر الله واكْثر التهليـل=يَغَفْر..اذنوب من يقرأ..حْروفه كل ذوّيقـه

شاعرة نجد 25-07-2008 03:10 PM

نسيم الصباح الجو رايق وانا مشتـاق=وعلى نسمتك بكتب لي أبيات واهديهـا
أبكتب حْروفٍ مابعد صاغها العشـاق=على أوراق وردٍ الشـذى زايـدٍ فيهـا
واسجل لك العنوان واحذر على الاوراق=نسيم الصباح أرجوك فالحـال وديهـا

شاعرة نجد 30-08-2008 09:48 PM

إنكااان..تحْسبني إلـى غبت..أبمـووت=والله ما..أمووت مْن الغلا قبـل يومـي
صحيح..قلت اسمك على القلب منحووت=وسلطان روحي في مقامـي ونومـي
لاشـك لاتلعـب بالاعصااب..بيـلـوت=واحـذر حركـاات الردَى..والرخومـي
والله لاشوتك..من سما خافقي شـووت=واوطى على قلبـي واقوّي..اعزومـي

شاعرة نجد 31-08-2008 11:47 PM

ياطير وين..اترووح ؟عطني دوره=بالله تكرم.. واهدنـي جنحانـك
وتعال شرّف..غرفتي الْمَستـوره=شف نافذتها..مْقابلـه بستانـك
وأنا باحلّـق فالفضا..مسـروره=وارووح لاوطانٍ مهيب أوطانـك
يامـا قعدّت..أطالعك..مقهـوره=وانْتَهْ..تغنّي فوق لين أغصانـك

شاعرة نجد 15-09-2008 11:38 AM

الليـالـي علمتني..ليتـهـا ماعلمتـنـي=ليتني مازلت طفله..واجْهَل عْلـوم الليالـي
ليتني مازلت طفله..لعبتي من فـوق متنـي=والعب في ذيك المزارع..قلبي مْنْ الهم خالي

شاعرة نجد 05-10-2008 04:38 PM

حرام(ن)علي ماذاقت النوم عينـي ليـن=تبيّن شعاع الصبح واشرق علـي نـوره
غزاني ابليس وحسّة(ن)جات من غاليـن=سطت في ضميري كنّهـا حـدّ ساطـوره
واجاهد شموخ النفس واضحك مع السالين=وانا مالي الا الصبر لـو كنـت مقهـوره

شاعرة نجد 09-10-2008 12:33 PM

أسري على الحس والتفكير يسريبي=والليل الاسود يروح الحس مـارده
والجاهل اللي علي يرسل مناديبـي=مايدري إني مبي مزحـه ولاجـده

شاعرة نجد 09-10-2008 12:35 PM

ودي وودي ياكثـر مـاودي=واخاف ودي لايبيّـح سـدي
أخاف لا اغنّي واجيب الخافي=تكفين شدّي عالقلم يايـدّي

شاعرة نجد 09-10-2008 12:40 PM

ليت العيون اللي تكسَّـر هدبهـا=ترتاح لامن دمعها هـلّ صافيـه
والنفس ليت الشعر يطفـي لهبهـا=وابدع جزيل القاف واسهر واغنيه
ومشاعري لامن تهيّـج شغبهـا=ليت القلم بعض المكاتيب يخفيـه

شاعرة نجد 09-10-2008 12:43 PM

وجودي على فكة عنـان القلـم ياسعـود=تراني لبـدع القـاف ياسعـود مضطـره
سقى السيل شعري وازهرن الحروف ورود=وطاب الكرى واصبحت ياسعـود مستـرّه
ترى الشاعر اللي يكتب الشعر دون قْيـود=على كيفـه المـوال لامـن بغـى جـرّه
ماهوب اللي الحراس عند الحروف اجنود=على الباب غير اللي مشت تتبـع الجـرّه


جميع الأوقات بتوقيت GMT +3. الساعة الآن 08:37 PM.

Powered by vBulletin® Version 3.8.6
Copyright ©2000 - 2018, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية