منتديات المرقاب الأدبية

منتديات المرقاب الأدبية (http://www.montada.mergaab.com/index.php)
-   ..: مرقاب الرّكن الهادئ :.. (http://www.montada.mergaab.com/forumdisplay.php?f=112)
-   -   ( مقتطفاتي ) (http://www.montada.mergaab.com/showthread.php?t=37872)

شاعرة نجد 26-12-2010 08:33 PM

بين السماا والأرض شكلي تعلقت=لارحت فووق وُلانزلت بمكاني
مدري طموحي خاب والا توهقت=والا أختلف عندي توازن كياني
ياليتني قبل أرتفاعي تحققت=حراام م أنزل لو غدر بي زماني

شاعرة نجد 28-12-2010 10:09 PM

كل ماجابت النسمه عبير الزهور=أستعاد الخفوق الذكريات القديمه
وأستعاد القصيد اللي شعاه الشعور=كن عذبه على المشتاق هتان غيمه

شاعرة نجد 01-01-2011 07:14 PM

عزفت من عذب القصايد على الناي=ليلي لحالي مامعي غير شمعه
وجريت موالٍ جذبته من أقصاي=في صيغته للفااهم الفطن رمعه

شاعرة نجد 03-01-2011 03:32 PM

http://i266.photobucket.com/albums/i..._w424_h200.jpg

لابأس ياصقر العروبـه وماجـور=طهـور ياتـاج الفخـر والفخامـه
طلّتْك فالشاشه مثل سطعـة النـور=تبعث لنـا عبـر القنـاة أبتسامـه
طمّنْتنـا ياطيّـب القلب,مشـكـور=طمّنت شعـبٍ تستحـق أهتمامـه
معذور صافي الدمع لاهـل معـذور=لامـن بكينـا ماعليـنـا مـلامـه
دمع الفرح مع صادق الحس له دور=لابد له فـي ذا المواقـف علامـه
ياخادم البيتيـن ياصايـب الشـور=الله يـردك للـوطـن بالسـلامـه

شاعرة نجد 04-01-2011 07:24 PM

الضيقه اللي لاضواني الليل جتني ساريه=وأستوطنت صدري من البارح وعيّت لاتروح
الله يجازيها,أسرفت فيني وكني داريه=قد لي ثلاث أيام تخنقني وبارقها يلوح
تكتم على أنفاسي وتودعْني بْحاله طاريه=وتْجدّد الأوجاع يامشكاي وتْزيد الجروح

شاعرة نجد 07-01-2011 06:26 PM

مالاعني في دنيتي كثر فرقاك=يابوي عقبك عفت شربي وزادي
ياليتني ياناظري مت وياك=ليلة فراقك كان ليلة هجادي
تنعاف دنياي وحياتي بلياك=ياكثر حزني أمس واليوم زادي
لاقلت بكره يمكن أرتاح وأنساك=يمكن مع الأيام يدله فْوادي
جدد علي الحزن ذكرك وطرياك=عسى على قبرك يهب البرادي

شاعرة نجد 08-01-2011 01:02 PM

http://www.mareeb.net/vb/image.php?u...ine=1276360651
ياطير لاحطيت عيني بْعينك=رويت لك بسكات قصة حياتي
مدري وش اللي صار بيني وبينك=أرتحت لك من بدّت الكائناتي
أستعطفك لين أرتويت بْحنينك=ولميت من نظرة عْيونك شتاتي
سولفت لك من غير م أسمع رطينك=وقريـت لـك ماكـان بمْذكـراتـي
وفضفضت لك ب أسرار قلبٍ رهينك=وغنيت لك حتى وأنا فـي مباتـي
وشكيت لك همـي بْحـسٍّ يدينـك=ويعتب عليك أن كان تجهل صفاتي
لاغبت عني ف الفضاء قلت وينك؟=ويـنـك تجي,ياغايتي,يامُنـاتـي
أمـا معـي ع الأرض والله يعينـك=جرّب حياة السجن واصبر سْواتـي
وأن كان واكبت المسيـره بْحينـك=والا ليامن طـرت خذنـي بْذاتـي
خذني حرام إني على أمرك ودينـك=مابـي معـك ياطيـري الا عباتـي
هونت مـن ذاك التغطرس,لعينـك=عدّلت من طيبك عواجـة عصاتـي
كابرت يوم أطغى هوى النفس لينك=ورضيت بُعدك لاجل أجرّب غلاتـي
يكفي من الترحال!ضاعت سْنينـك=بأنعم معك باقي العمر فـي سُباتـي
وأبعتـرف ياطير,بينـي وبيـنـك=بْلَيّـاك ماتسـوى رْيـالٍ حيـاتـي

شاعرة نجد 09-01-2011 10:47 PM

رسمت لوحة سكون الليل بـ ألواني=وشرحت ماجاا على بالي على اللوحه
ترجمت صمت المشاعر ماحكى لْساني=واسترسلت ريشتي بالرسم مسموحه
تعبير صادق من أعماقي و وجداني=رسمتها من هوااي بْنفس مفتوحه

شاعرة نجد 11-01-2011 01:03 PM

ياليتني أخسر من العمر نصه=وأصبح وأشوفك مالك الحس شاعر
ويكون لي ويااك ف الشعر قصه=وتلعب معي لاثاار بووح المشاعر

شاعرة نجد 11-01-2011 11:47 PM

عزااي ماجت لمن قبلي على كيفه=وشلون أبيها تجي داايم على كيفي!!
ياركب الأياام دربي كيف توصيفه؟=كثرت علي الدّروب وتهت توصيفي
وين الخريطه؟أنا مانيب حرّيفه=ضاعت بي خْطاي واجهَل سر تعريفي
ماعاد أفرّق ربيع الوقت من صيفه=لاصاار لافت خفوقي عاصفة صيفي
شروود ذهني خذااني وانتشل سيفه=قاومت لكن تعمّد ب أمر تكليفي

شاعرة نجد 13-01-2011 10:58 PM

يضيق صدري! أي نعم والله يْضيق=والمشكله في ضيقتي وش سببها؟
مابين تكذيب المشاعر وتصديق=ونارٍ تواقد في خفوقي لهبها
صبّحني الهااجس على فكة الريق=ومسّاا عٍيوني قبل يغضي هدبها
وغنيت له من ضيق صدري طواريق=لامن هوى روحي ولامن طربها
وخذيت من نفسي عليها مواثيق=م تبوح لو قاضي الموده غصبها
وتمسح معالم عارضٍ كان توهيق=وترمي على كتفي مواجع تعبها

شاعرة نجد 15-01-2011 07:20 PM

يهب الهوى وعْروق قلبي تقول غْصون=تمايل على ذاري الهوى كل ماهبي
يحرك شْجون القلب والناس مايدرون=مزايا الصدور المغلقه من فضل ربي

شاعرة نجد 16-01-2011 09:11 PM

سألت الليل عن ذاك الخيال اللي يسامرني=وجاوب لاترجّين الصرااحه من ظلام الليل!
سألته ليش أمانه هالأجابه؟ لاتحيرني!=وجاوب كان تدري واكسب أجري مابقى بي حيل
لأني كم سهرتك في حضوره وأنت خابرني=أنا ويّاا خيالي وأنت,لاخدعه ولاتمثيل
أغني له من أشعاري ويلهمني ويأسرني=قسم بالله حتى في منامي نكْمل التعليل

معدي المرقاب 17-01-2011 12:57 AM

اقتباس:

المشاركة الأصلية كتبت بواسطة شاعرة نجد (المشاركة 1364885)

مالاعني في دنيتي كثر فرقاك=يابوي عقبك عفت شربي وزادي
ياليتني ياناظري مت وياك=ليلة فراقك كان ليلة هجادي
تنعاف دنياي وحياتي بلياك=ياكثر حزني أمس واليوم زادي
لاقلت بكره يمكن أرتاح وأنساك=يمكن مع الأيام يدله فْوادي
جدد علي الحزن ذكرك وطرياك=عسى على قبرك يهب البرادي


اسال الله العظيم رب العرش العظيم ان يغفرله وان يرحمه

اسال الله العظيم ان ينير دربك ودنيتك وان يحفظك وان يحفظ لك دينك الذي هوعصمة امرك وان يفرج همك وان يضفي عليك ستره

شاعرة نجد استمتعت بالتجوال في هذا البستان الوافر الله لايظرك 0سطور مطرزه بالذهب
مشاعر جياشه رغم نبرات الحزن المؤلمه شعر عذب في غير تكلف فيه فخامه طاغيه وعفه كريمه وهذا مايجب شعر بعيد عن الامتهان والاسفاف شعر بمعنى الكلمه شعر اهتزت له نفسي كلام جميل واصيل مترف وحشيم اتمنى لك السعاده وتفائلي بالخير فكلنا فقدنا احباب اعاضك الله الصبروالسلوان 0

تقديري

شاعرة نجد 17-01-2011 10:15 PM

اقتباس:

المشاركة الأصلية كتبت بواسطة معدي المرقاب (المشاركة 1367785)
اسال الله العظيم رب العرش العظيم ان يغفرله وان يرحمه

اسال الله العظيم ان ينير دربك ودنيتك وان يحفظك وان يحفظ لك دينك الذي هوعصمة امرك وان يفرج همك وان يضفي عليك ستره

شاعرة نجد استمتعت بالتجوال في هذا البستان الوافر الله لايظرك 0سطور مطرزه بالذهب
مشاعر جياشه رغم نبرات الحزن المؤلمه شعر عذب في غير تكلف فيه فخامه طاغيه وعفه كريمه وهذا مايجب شعر بعيد عن الامتهان والاسفاف شعر بمعنى الكلمه شعر اهتزت له نفسي كلام جميل واصيل مترف وحشيم اتمنى لك السعاده وتفائلي بالخير فكلنا فقدنا احباب اعاضك الله الصبروالسلوان 0

تقديري


اللهم آميين اللهم آميين

وبميزان حسناتك طال عمرك انشاء الله

ويشهد الله أسعدني مرورك وشرفني حضورك وغمرني إطراءك,لاهنت

غايتي أن يصل ما أقدمه لـ ذاائقتك وذائقة المبدعين شروااك

شكري وتقديري لك’,,

شاعرة نجد 18-01-2011 10:04 PM

أختال حسي وأغمض وأكتم أنفااسي=عاهدت نفسي عهد م أكشف سرايرها
أسعد مخاليق ربي في وسط ناسي=وفي عزلتي تذرف عْيوني عبايرها
قسيت في حق نفسي والزمن قاسي=حتى ظروفي تْعاندني وأسايرها

شاعرة نجد 20-01-2011 01:28 PM

لاتطوّلها وهات مْن الأخير=ضايع وبعض السوالف ضايعه
لاتقول أنّك ذكي,وأنّك خطير=لاتوهّق؟والهدااوه راايعه
لاتخلط البر مع حب الشعير=شوف كبدي مْن التّصنّع لايعه
صحح أخطاءك ليا جااك النذير=كل واحد عارفٍ طبايعه
ليتني أجلس على ذاك الغدير!=والسْباع شْباع والا جايعه
والمطر ودان والماء له خرير=وأتمثّل والقواافي طايعه!!

شاعرة نجد 20-01-2011 10:13 PM

[youtube]http://www.youtube.com/watch?v=ft6wbVsF5WM&feature=player_embedded[/youtube]



جزيل الشكر لـ الرااقيه:مي العطاوي

على هذا الأهـداء

:wardah:

شاعرة نجد 22-01-2011 12:16 AM

الا يالنجووم الساهره..ليـه ماتمسيـن؟=عليك الله أمسي..علّهـا تغفي..عْيونـي
عطيتك..عْلومي وش بعد عقبها تبغيـن=بكيت..وشكيت...آهاات قلبي ومكنونـي
أسولف معك وانتي..على الصمت ماتحكين=وأنا جيت لك من صادق الرووح بشْجوني

شاعرة نجد 22-01-2011 09:55 PM

مراسيل العتب مدري مراسيل الغلى والشوق=توااسيني وأروّحها وترجع ماتجاوبني
وأحاسيسٍ خذتني واستباحت دمي المحروق=مع أفكارٍ تكدّر خاطري مدري تعذبني
وأكذبها لأن اللي على بالي أشوفه فووق=عزيز وبالوفاا والطيب والتقدير كاسبني

شاعرة نجد 23-01-2011 09:35 PM

غيب القدر من فضل ربي علينا=لو يدري الإنسان بالغيب مانام

:::::::::::::::::::::
الأخلاق نعمه..لاعطاها الله المخلوق=ويابخت من يكسب غلى الناس..ب أخْلاقه

شاعرة نجد 23-01-2011 09:36 PM

ماللسهر داعي ولامنْه مصلـوح=يازينها لاصرت بالحال راضـي
ياخافقي ريّح..ترى مَنْت مسموح=بشكيك لاعذّبتني عنـد قاضـي


جميع الأوقات بتوقيت GMT +3. الساعة الآن 07:08 PM.

Powered by vBulletin® Version 3.8.6
Copyright ©2000 - 2018, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية