منتديات المرقاب الأدبية

منتديات المرقاب الأدبية (http://www.montada.mergaab.com/index.php)
-   ..: المرقَاب الشّعبي :.. (http://www.montada.mergaab.com/forumdisplay.php?f=58)
-   -   الجادل (http://www.montada.mergaab.com/showthread.php?t=61927)

عبدالله القثامي 13-02-2018 02:53 PM

الجادل
 
الجادل اللي تهتويني من بعيد اليا بعيد
الليل يستر زينها والصبح يفضح زينها
الزين فيها يستبيح الزين بالوصف الفريد
الخال يزهى خدها والكحل يزهى عينها
دورتها تايه دلال وجيتها نار وجليد
وانا جملها والوصوف النادرة سكينها
والله ماشفت من الجمال اللي يعدالا الجديد
مدري ينام الجمر والا الورد في خدينها
قالت عليك الله وأمانه قلت والعلم الاكيد
قالت هنا قلت الهناء ثم انثنت من حينها
قالت وقلت وكل شي يقول ياهل من مزيد
مديت يمنايه ومدت للوصال يمينها
ماعاد الي عذر اتعذربه سمين ولا زهيد
عاهدتها ما أخونها دايم وديني دينها
مدري جهل والا شقاوة حظ يامحمد رشيد
شهب السنين ابطيت احسب أيامها وسنينها
شربت من كاس الظمأ اللي مرمع حبل الوريد
يالين مدت لي معاوين الدهور يدينها
احيان اقول شفي وأحيان اقول اني سعيد
راحت حياتي ذكريات وراح عمري بينها
واللي عليه الاعتماد اليوم ينقص ما يزيد
أشد به عزايم أيامي لكن يهينها
حرفين لكنه يهد جبال ويلين حديد
ويشيخ أشباه الرجال اللي ماتقضي دينها
يالمورقي حظي معاندني وانا طبعي عنيد
والمقبلات الله يعلم زينها من شينها
زمان اسولف له معه واليوم اسولف لي وحيد
الله يصبرني على عسر الليال ولينها
لا عاد تسألني عن الأحوال يامحمد رشيد
هذي ثمان سمين والاحوال مدري وينها

عبدالله القثامي

محمد عيضه 13-02-2018 04:55 PM

دورتها تايه دلال وجيتها نار وجليد
وانا جملها والوصوف النادرة سكينها

الله الله

بيت من ذهب

صح لسانك

.





ريف 05-03-2018 11:07 PM

يا سلام وين محمد رشيد عن هالقصيده
المفروض اول واحد يرد

عموما ابدعت صح منطوقك ولاهنت

،

نايف بن عيفان 05-04-2018 11:50 PM

اللللللللله عليك .. اجبرتني على الرد .. وشرفتني بقراءه هذي المذهبه .. برسل لك على الخاص


جميع الأوقات بتوقيت GMT +3. الساعة الآن 08:56 PM.

Powered by vBulletin® Version 3.8.6
Copyright ©2000 - 2018, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية