( مقتطفاتي )

عودا حميدا يـ المرقاب

مسااك غيمٍ لارعد رااعده صب=شوفه دوا قلب المولع وطبه
مسااك مع رش المطر يالغلا حب=من صاادق الوجداان,رمز المحبه

اللهم سقياا رحمه
علينا بروق وامطار غزيره ولله الحمد
جت على اثرها هـ الابيات وليدة اللحظه..

سرى البارق اللي كل ماشفت برقه ناض=تهيض خفوقي والقريحه تهيّض له
ايوالله ايوالله خاطري مع وميضه هاض=تكاشف وجااب اقصاي مسرااه من قبله
وجريت موالي ودمع المحاجر فاض=تماطر عيوني مع سحابه كبر وبله
وضاقت لو فجوج الوسيعه طْوال عْراض=قد الكبد من طول المسافات مندبله
علينا وجانا خير,لاشك نجد رْياض=يشوق النظر لاسال سيله ونطرب له
عساه ايتوالا من ربيعه الى المقياض=تشابك خضاره من شمطريه لَـ .الربله

لاتحمّلني خطاك,الله لايغفر خطاك=كل ماسلمَت جروحي جبت لي جرحٍ جديد
تعتذر لي عن غيابك ماكشفت اللي وراك=واتقبّل واتحمّل وانتظر منك المزيد
أدري اني غاليه وان العمل كاتف يداك=والطموح وحب كل انسان للدنيا شديد
لهفة الشوق وُغلانا وغيمة الود بْسماك=هبها ذااك العجاج ورااح سايقها بعيد
والامل يبست عْروقه يوم شحيته بْماك=والهوى والريح تجري بالسفن لو ماتريد

المشاركة الأصلية كتبت بواسطة شاعرة نجد

عودا حميدا يـ المرقاب

مسااك غيمٍ لارعد رااعده صب=شوفه دوا قلب المولع وطبه
مسااك مع رش المطر يالغلا حب=من صاادق الوجداان,رمز المحبه

ياسلام

رائعه يا شاعرة نجد وحضور متجدد مع الابداع

❤

المشاركة الأصلية كتبت بواسطة ريف

ياسلام

رائعه يا شاعرة نجد وحضور متجدد مع الابداع

❤

تسلمين ريف
والراائع حضورك لاعدمتك

شكري وتقديري,’’

جديدي لـ ركني ومتابعيه...

يـاطــيــر قــلّـــه مـانـبـيـهـا الـتـكـالـيــف=يكفـي التواصـل لاحـصـل مـنـه كـافـي
بغيـت امــرّ بْديـرتـه حسْـبـة الضـيـف=مـــرور لـــو مـاهــوب للـقـلـب شـافــي
مـرور غيـمـة وصــل بـيـن الموالـيـف=فــــي بـرقـهــا تـصـويــر ودّ احـتــرافــي
لحظة لقاا عجله ولكن على الكيـف=فـــي جـــو مـمـطـر بـالـغـراام وخـرافــي
على النقاا ماحاشها الكذب والزيـف=قـصـة غــلا بـيـن الضـلـوع النـحـافـي
والحـظ قصّر,ماحصـل فـيـه تشـريـف=ســبّــة غــبــارٍ ثــــار والــجــو صــافــي
وياذيـب لاتـرقـاا بــروس المشـاريـف=على قنيبـك كـم صحَـى جفـن غافـي
عوااك لو بعده من السيـف للسيـف=يِظـهـر صــداه مْــن المعالـيـق قـافــي
قلـبـك قــوي وانــا تــرى قلـبـي رْهـيـف=الــلــي خـلـقـنـا حــــط فــيــه اخـتـلافــي
خـلاص بانـت مانـبـي زود تصـريـف=يمشي القدم في رغبة القلب حافي!

المشاركة الأصلية كتبت بواسطة شاعرة نجد

جديدي لـ ركني ومتابعيه...

يـاطــيــر قــلّـــه مـانـبـيـهـا الـتـكـالـيــف=يكفـي التواصـل لاحـصـل مـنـه كـافـي
بغيـت امــرّ بْديـرتـه حسْـبـة الضـيـف=مـــرور لـــو مـاهــوب للـقـلـب شـافــي
مـرور غيـمـة وصــل بـيـن الموالـيـف=فــــي بـرقـهــا تـصـويــر ودّ احـتــرافــي
لحظة لقاا عجله ولكن على الكيـف=فـــي جـــو مـمـطـر بـالـغـراام وخـرافــي
على النقاا ماحاشها الكذب والزيـف=قـصـة غــلا بـيـن الضـلـوع النـحـافـي
والحـظ قصّر,ماحصـل فـيـه تشـريـف=ســبّــة غــبــارٍ ثــــار والــجــو صــافــي
وياذيـب لاتـرقـاا بــروس المشـاريـف=على قنيبـك كـم صحَـى جفـن غافـي
عوااك لو بعده من السيـف للسيـف=يِظـهـر صــداه مْــن المعالـيـق قـافــي
قلـبـك قــوي وانــا تــرى قلـبـي رْهـيـف=الــلــي خـلـقـنـا حــــط فــيــه اخـتـلافــي
خـلاص بانـت مانـبـي زود تصـريـف=يمشي القدم في رغبة القلب حافي!

الله الله
صح السانك صاحبة الحرف المذهب

لو ان مالي في طرفها محاريف
الا ان قلبي يعشق الحرف وافي
؛
فرايدٍ جزله ومعنى وتوصيف
يقلط عليها اللي من الشوق لافي
؛

عذرا على هالبيتين اعجبني المبنى والمعنى
صح السانك شاعرتنا دايما في قمة الشعر

المشاركة الأصلية كتبت بواسطة معدي المرقاب

الله الله
صح السانك صاحبة الحرف المذهب

لو ان مالي في طرفها محاريف
الا ان قلبي يعشق الحرف وافي
؛
فرايدٍ جزله ومعنى وتوصيف
يقلط عليها اللي من الشوق لافي
؛

عذرا على هالبيتين اعجبني المبنى والمعنى
صح السانك شاعرتنا دايما في قمة الشعر

صح بدنك شاعرنا وصح لسانك
حضورك تشريف

حييت يالشاعر على الرحب والكيف
ولْي الشرف لاجاز لك بَدْع قافي

شاعر علم حليت في صفحتي ضيف
حضور مثلك يرفع الرااس,كافي

متابعيني الكراام
الشهر عليكم مبارك مقدماً وكل عام وانتم بخير
من صوامه وقوامه ان شاء الله,
أسأل الله ان يتقبل منا ومنكم صالح الاعمال

بحفظ الرحمن,’’

السلام عليكم ورحمة الله

عدنا والعود احمد,
كل عام وانتم بخير,واسعد الله اوقاتكم,’’

جريت موالي وغنيت من شي=لولاه ماجريت ياسعود موال
ياعين هلي صافي الدمع هلي=أردّك مْنوّل وذالحين مـ .احتال
غني معي يالراعبيه لو شْوي=جري مواويلك على الغصن لامال
هزي معاليقي وغني واغني=أنا بصبرٍ طال وانتي سعة بال
سجعك يسليني ولو فيّ مافي=لعبي معك لو زاان ماغيّر الحال
في ديرةٍ برادها ينعش الحي=وسحابها لاروّح العصر همال
لاشك ماهي لو تحاليتها لي=دْيار اهلها ودارنا عندنا غال

ياطير ياللي كل ماقلت ياطير=رفرفت في عالي سماي بْجناحك
واجتحت خفاقي وانا قبلك بْخير=وروّحت مع سجة هجوسي مراحك
مع الخيال ونسجه الكاذب اطير=يسعد مساا شعري ويسعد صباحك
ترويح ماغيّر مسار المقادير=بين انعماسك خاطري وانشراحك

خــلــي الـهـديــل وعــيّــدي يـاحـمـامـه=والا ابـعـدي تكـفـيـن بـ .اعـيّــد الـعـيـد
روحــــي رعــــاك الله مــــع الـسـلامــه=الـيـوم عـيـد وبهـجـة الـخـاطـر بْـعـيـد
صوتك شجي والقلـب مـدري علامـه=يميل مع حسك على الغصن ويْعيد
مـشــاعــري هـشـه,عـلـيـك الــمــلامــه=يامجرمه,قبـلـك وانــا عـيـدي سْـعـيـد

ياهـجـس تاخـذنـي عـلـى كـــل حـــزه=والقـلـب تـايـق والمشـاعـر قراطـيـس
قــلــب الـمـولــع كــــل نـسـمــه تــهـــزه=تكشـف غراامـه لـو بعيـد المراميـس
وعـيـنـه لـهــا مـــن لـــذة الـنــوم فـــزه=لادق بـاب الصـدر كـف الهواجـيـس
لـه مـع سفيـر الشـوق قــدر ومـعـزه=ياما عبر به مع جميع التضاريس
حـسـيـبــه الله مـــــا لَـ .الايــــــام مــــــزه=بين الظروف وبين رق الاحاسيس

هذه القصيده لـ الشاعره ريم الفلا
أعجبتني واحببت مجاراتها
ونقلها لجمهوري الكريم على هذه الصفحه

تقول ريم

حنا دخلنا في زمان المتاهات
و لا عاد نبغى موجز و لا تفاصيل
**
في كل يوم يزيد بث الدعايات
و تصير واقع بعد فتره من القيل
**
ماعاد باقي للقيامه علامات
و لا عاد باقي دين في تالي الجيل
**
يادار حنّا معك في كل الاوقات
من يومها بالسيف و مطارد الخيل
**
نذود عن مكه و طيبه ليا جات
حرب النجوم اللّي تجيب البهاذيل
**
و نحب حكامك و سلمان بالذات
و نقدره و الله و نغليه بالحيل
**
و مع كل تقديري لكل القرارت
اكيد ما تشمل بنات الرياجيل

قلت..

ياريم لا والله زمان المسرات =وابشرك كل الدعاوي تساهيل
ما جاا حديث استنكر الامر وآيات=نسند عليها مانقوله بتدليل!
والدين باقي والشريعه لها قْضات=ما جاا قرار الا بدِراسه وتحليل
قرار كنا ننطره من سنوات=أبرك من السواق لو ماحصل ميل
تركب معه من دون محرم,سلامات=فـ .الصبح والا الظهر والا اوّل الليل
خلوه نهَى عنها عليه الصلوات=فـ .المجتمع وصلت بنا ذالمواصيل
يازين لاحْتَشْمَن بلبس العبايات=وساقن وراح وطاح سوق العماميل
والطيّبه ترقىَ بروس المنيفات=أبعد على الواطين من نجمة سهيل
والا الرديه لو عليها حراسات=ياكثر ماجابت لـ .ابوها الغرابيل
والمسأله وجهة نظر واختلافات=بكره يطوّعها الزمن فـ .المقابيل
نعم قبايل بين حشمه وعادات=وكلٍ على مبداه من غير تمثيل
لهْم الخَيَار وكلبوها سهالات=لابد مايرجح مع الواقع الكيل

عوداً حميداً منتدانا,’’

جديدي لـ جمهوري الكريم,,

لاتحْسب اني ياهوى البال بـ .احتال=فــرقـــاك يـالـغــالــي ولا ربــــــع ســـاعـــه
حكـم الظـروف تْشوف,ظـالـم وقـتـال=تَـحْـت امـرهـا مــن غـيــر ود وقـنـاعـه
تحتاج وانا احتاج صبْر وسعـة بـال=لاضــاق فيـنـا الـكـون رغـــم اتـسـاعـه
والله لو انْكْ تْشوف دمعي ليا سال=وادْمَـى الولـه والشـوق قلبـي ولاعــه
ان تقطـع الغربـه ولـو تخْسـر المـال=لو يلحقـك مـن جـور وقتـك مجاعـه
ياصاحـبـي ياصـعـب تحقـيـق الآمــال=والـعــمــر يــطـــوَنّ الـلـيــالــي شْـــراعـــه
لـيـل الشـتـا بــادي واحـبـه الــى طـــال=واسـامـره لا الصـبـح يـطـلـع شـعـاعـه
مـــع قـــاف شــعــرٍ لاسَـحَـبْـتـه بــمــوال=عـلـى سـكـون الـلـيـل يَـحْــلا سـمـاعـه
يجـيـك ســاري يالـغـلا عـبـر الارســال=والله مـعــك والـقـلــب عــنــدك وداعــــه

ولّي حمامه فوق غصنك تغنين=شوقك معك وانا بعيدٍ وصاله
ثرتي المشاعر ليش وش تستفيدين=بالله روحي واكسبي بي جماله
يـ .هاجسي كن لي من الشعر عامين=متهيّضه والجو نشّاا خياله
البارحه مالجلج النوم فـ .العين=فيني وله يصعب علي احتماله
يزين وقتي بعض الاحيان ويشين=والصبر طال وحالة القلب حاله

حبل الوصل مطروح والشوق مفضوح=من قو باسي مـ .انطوَى عنْه ياسي
من كثر مايشرد بي الفكـر واروح=أعيش غربه موحشه بين ناااسي
والهاجس اللي كل ماطابت الروح=كدر صفَى جوي وجدد عْماسي
يلمس شرايين المعاليق وتفوح=من وهج شوقي ويْتجاوب حْساسي
والاحي الورقا من الوجد وانوح=في قاف شعرٍ صاغ مبناه راسي
وان هب نسناس الهوى هيض البوح=بحر القريحه مال قاعه مقاسي

بعض الاماكن تجدد صورة الماضي=وتْبـكّـي العـيـن لــو تـسْـعَـد بشوفـتـهـا
أبلع وجع عبرتـي لـو سيلهـا فاضـي=لو حطّم ضلـوع صـدري قـو غصتهـا
ماودي اللي معي مبسـوط يهتاضـي=تكفين يـادمـعــتــي مـــاهـــي بـحــزتــهــا!

شوقي خذاني صوب شوقي مع البرق=برقٍ يثير اشواق من غااب شوقه
نوٍّ سرى ليله،علينا من الشرق=طيّر منامي يوم لاحت بروقه
على سناها اسهر على فااخر الطرق=واهديه عذبي والتمس فيه,ذوقه
إي والله اسهر لو حرق خافقي حرق=وهج الغلا نسمة هوانا تسوقه
ليت الظروف تروف لو ندفع الفرق=من عمرنا قبل الليالي تبوقه